پاکستاني رسنیو راپور ورکړی، چې د دغه هیواد حکومت له خیبرپښتونخوا، مري او کشمیر څخه اسلام اباد ته غځېدولو لارو کې په ماشینونو ژورې کندې اېستلې او لویې لارې یې تړلې دي.
سیمه ییزې سرچیني وايي، په پاړه چنار کې د مساپرو پر موټر د ناڅرګندو وسله والو په برېد کې د جانان حسین په نوم یو خبریال هم وژل شوی. همدارنګه د یو بل خبر له مخې، تېره ورځ د سوېلي پښتوخوا په چمن ښار کې د صلاح الدین په نوم یو ځايي خبریال په ډزو وژل شوی.
پاکستاني رسنۍ جنګ ورځپاڼې د دغه هیواد د ترهګرۍ ضد ملي ادارې له قوله ویلي، چې په اسلام اباد کې د تحریک انصاف ګوند په لاریونونو کې چې نن یکشنبه پیل کیږي د احتمالي بریدونو ګواښ ډیر دی.
د پنجاب د ترهګرۍ ضد څانګې د راولپنډۍ په چکري سیمه کې د یو لړ عملیاتو په ترڅ کې د درېیو وسله والو د وژل کېدو خبر ورکړ. د پاکستانۍ رسنۍ خراسان ډایري راپور ورکړی، چې دغه عملیات تر هغه وروسته ترسره شول، چې د یادو وسله والو په اړه امنیتي ادارو ته له مخکې راپور ورکړل شوی و.
د افغانستان لپاره د امریکا پخوانی استازی وایي، چې د نومبر په ۲۴مه باید د نړۍ سترګې پاکستان ته وي او هیله یې څرګنده کړې چې د نومبر د ۲۴مې لاریونونه د عمران خان د خوشې کولو لپاره بريالي شي.
د پاکستان پوځ وايي، چې امنیتي ځواکونو په سویلي وزیرستان کې له هغو وسله والو سره نښته کړې چې غوښتل یې د افغانستان له پولې دغې هېواد ته ننوځي.
د عوامي نېشنل ګوند خبر ورکړی، چې په کورمې ولسوالۍ کې د قومونو ترمنځ د تاوتريخوالي کمولو او د ستونزې د حل په موخه یې د سناتور باز محمد په مشرۍ یوه کمېټه جوړه کړې. دغه ګوند ويلي، چې ټاکل شوې کمېټه به له ټولو خواو سره خبري کوي.
پښتون سیاستوال او د ملي ډېموکراتیک غورځنګ مشر محسن داوړ په کورمه کې روانو نښتو ته په غبرګون کې وايي، چې پاکستانی ریاست د شیعه او سني په نوم پښتانه سره جنګوي. محسن دواړو وايي په کورمه کې د وژل شوي کسانو د موټرو د کاروان ساتنه د پاکستان امنیتي ځواګونه کوله.
د پښتونخوا په کورمه کې ځايي سرچینو افغانستان انټرنشنل ته وویل، په باړه چینار کې د پاکستاني پوځیانو مرکز ته څېرمه د دولتي جرګې پر چورلکه ډزې شوې دي. تر دې پېښې وړاندې یوې دولتي سرچینې ویلي و، د روان تاوتریخوالي کرارولو لپاره د صوبايي حکومت یوه جرګه باړه چینار ته رسېدلې ده.
د پاکستان د تحریک انصاف ګوند (د نومبر د ۲۴مې نېټې) احتجاج لپاره د مرکزي او پنجاب حکومتونو لهخوا سخت امنیتي تدابیر نیول شوي دي.
د خیبر پښتونخوا له کورمې څخه خبریالان وایي، د تېرې ورځې له لاریون وروسته د دوو مذهبي ډلو تر منځ په روان اخ و ډب کې تر دې مهاله ۱۸ کسه وژل شوي او د ۳۰ په شاوخوا کې کسان ټپیان شوي دي.
د تحریک طالبان پاکستان ډله (ټيټيپي) وایي، د خیبر پښتونخوا د کورمې ولسوالۍ مرګوني پېښه د دغې ډلې او نورو وسلهوالو ډلو کار نه دی؛ بلکې په خبره یې په یاده پېښه کې نېغ په نېغه د پاکستان پوځ ښکېل دی.
د پښتونخوا لکي مروت ولسوالۍ کې سرچینو افغانستان انټرنشنل ته وویل چې نن ماښام د لکي مروت کمبېله سیمه کې د پاکستان پېپلز ګوند ځايي مشر مشال ازاد د دوه تنو ناڅرګندو وسلوالو له لخوا په ډزو ووژل شو. سرچینې زیاتوي مشال ازاد هغه وخت وژل شو، چې له جومات څخه د کور په لور روان و.