سپورت

د واخان ملي شل اوریز جام سیالیو په لړ کې د شنبې په ورځ دوه سیالۍ په کندوز کرېکټ لوبغالي کې ترسره شوې، چې له مخې یې هندوکش سټرایکرز او پامیر لیجنډز پایلوبې ته لاره وموندله.

طالبان وايي چې د خوست په مرکز کې د یو ستر ورزشي کمپلېکس د بنسټ ډبره اېښودل شوې ده.د دغه ولایت ویاند په وینا، دې کمپلېکس کې یوه مدرسه هم جوړېږي.

د ۲۰۲۵کال کافا جام سیالیو کې د افغانستان لپاره د سیالو لوبډلو نوملړ اعلان شو. افغانستان د ۲۰۲۵کال کافا جام سیالیو کې په بي ګروپ کې له تاجکستان، مالیزیا او ایران لوبډلو سره لوبې لري.

د سولې نوبل جایزې ګټونکې ملاله یوسفزۍ وايي، چې نړیوالې ورزشي ادارې باید د طالبانو پر ضد زړورتیا او جرئت وښيي او افغان ښځینه ورزشکارانو ته د لوبو فرصتونه برابر کړي، څو له دې لارې د ظلم پر وړاندې مقاومت وشي.

د افغانستان کرکټ بورډ اعلان وکړ، چې د شل اوریزو غوره لیګ لپاره یې له یوې هندۍ کمپنۍ سره تړون لاسلیک کړی. کرکټ بورډ وايی چې یاده کمپنۍ د پانګونې، پروډکشن، برانډېنګ، مالي ملاتړ او د بازارموندنې په ډګرونو کې فعالیتونه ترسره کوي.

په جرمني کې مېشت د افغانستان د ازادو سیالیو لوبغاړي واحدالله نژند خپل تاجکستاني سیال "شوخ نظروف" په سبمېشن سره مات او ورسره یې سیالۍ وګټله.

د سعودي عربستان د النصر فوټبال لوبډلې ستوری کریسټیانو رونالډو له دغه لوبډلې سره د دوه کلن قرار داد تر غځولو وروسته هیله څرګنده کړې، چې ژر به له النصر لوبډلې سره اتلولي وګټي او سعودي عربستان ته یې ځانګړی ارزښت ورکړ. هغه وویل:«زه پرتګالي یم خو زه د سعودي عربستان برخه یم.»

د واخان ملي شل اوریز کرېکټ جام دویمه لوبه کې هندوکش سټرایکرز لوبډلې د ۶ لوبغاړو په توپیر د ماهیپر ستوري لوبډلې ته ماتې ورکړه.

د افغانستان د ازادو سیالیو مبارز احمدولي هوتک د سبمېشن په تخنیک خپل روسي سیال سیدګاد ژيرکوف ته ماتې ورکړه او دغه سیالي يې وګټله. سبمېشن تخنیک په ازادو سیالیو کې کاريږي او موخه یې دا وي، چې سیال د درد، یا بې وسۍ له امله تسلیم شي.

افغان فوټبالره نادیه ندیم د ۲۰۲۵کال یورو سیالیو لپاره د ډنمارک د ښځو ملي لوبډلې سره یوځای شوه. ۳۷ کلنه نادیه چې په ۱۲ کلنۍ کې جلاوطنه شوه؛ د فوټبال په نړۍ کې یې د منچسټر سیټي، پاري‌سن‌ژرمن، ای سي میلان او د هامارابي کلب لپاره لوبې کړې دي.

د المپیک نړۍوالو سیالیو د کډوالو لوبډلې لومړنۍ مډال ګټونکې ذکیه خدادادي په فرانسه کې د «ښځو د بریا» جایزه ګټلې او بیا یې افغان نجونو ته ډالۍ کړې ده. دغه جایزه په فرانسه کې د یوې غونډې پر مهال یادې ورزشکارې ته سپارل شوې ده.

د افغانستان د ازاده سیالیو پېژندل شوی لوبغاړی احمد ولي هوتک له خپل داغستاني سیال سره د سیالۍ لپاره بېلاروس ته ولاړ. ولي هوتک به له دغې سیالۍ سره؛ له درېیو کلونو وروسته بېرته د لوبو ډګر ته راستون شي.

د افغانستان د موی ټای ملي لوبغاړي "سید روح الله موسوي" په تاریخ کې د لومړي ځل لپاره د اسیا له موی ټای سیالیو د سرو زرو مډال وګاټه.

د افغانستان د ازاده سیالیو پېژندل شوی لوبغاړی احمد ولي هوتک به د (چنګاښ په ۶مه) له درېیو کلونو وروسته بېرته د لوبو ډګر ته راستون شي.

طالبانو د روسیې د فوټبال ملي لوبډلې ته بلنه ور کړې، چې د یوې دوستانه لوبې لپاره کابل ته ورشي. ریا نووستي سپورټ رپوټ ورکړی، چې د طالبانو د صنعت او سوداګرۍ وزارت مرستیال احمدالله زاهد ویلي چې دوی ددې دوستانه سیالۍ معلومات د روسیې د فوټبال فدراسیون او د ورزش وزارت ته سپاري.

د طالبانو د المپیک، بدني روزنې او سپورټ لوی ریاست خبر ورکړی، چې د افغانستان د شل کلونو څخه کم عمره فوټبال ملي لوبډله نن پنجشنبه د (غبرګولي ۲۲مه) د مرکزي اسیا د اتلولیو جام په لړ کې د قرغزستان لوبدلې سره لوبېږي.

د افغانستان د فوټبال ملي لوبډلې د ۲۰۲۷ کال د اسیا جام غوراوي سیالیو په لړ کې بېګا د سوریې پر وړاندې ۰-۱ په توپیر ماتې وخوړه. په دغه سیالیو کې دا د افغانستان د فوټبال ملي لوبډلې پرلپسې دویمه ماته وه.

د مرکزي اسیا د فوټبال کنفدراسیون (CAFA) د شل کلنو ځوانانو اتلولۍ جام د پچې اچونې مراسم او د همغږۍ غونډه د تاجکستان په پلازمېنه دوشنبه ښار کې ترسره شوه او افغانستان به نن د کوربه هېواد پر وړاندې خپله لومړنۍ لوبه کوي.