سرچینو افغانستان انټرنشنل پښتو ته ویلي، چې په مرکزي کرمه کوړم سیمه کې د سړک غاړې ماین چاودنې دوه تنه وژلي او پنځه نور ټپیان دي.
د ژغورنې ډلې د سرچینو په وینا، د چاودنې په پایله کې مړه او ټپيان روغتون ته لېږدول شوي دي.
په سیمه کې د یوه ځايي روغتون د سرچينې د معلوماتو له مخې، له پنځو ټپيانو څخه د څلورو تنو روغتيايي حالت نازک دى.
دغه چاودنه له لوی اختره ټیک یوه ورځ مخکې شوې چې له امله یې مرګ ژوبله اوښتې، په پاکستان کې نن د عرفې ورځ او سبا دوشنبه د لوی اختر ورځ ښودل شوې.
په کورمه کې د سني او شعیه مذهبو تر منځ مذهبي تاتریخوالی ډیر کله د سیمې د خلکو د مرګ ژوبلې لامل کیږي، دغه دوه لوري تر خپل منځ په سپکو او درنو وسلو جګړه کوي او په لارو ګودرو یو او بل ته په ځمکې کې ماینونه خښوي.
ځینو سرچینو افغانستان انټرنشنل پښتو وويل چې د کورمې غرنیو سیمو ته تازه د ټي ټي پي وسله وال ورغلي او له خلکو په زور د شپې ځای او ډوډئ غواړي.
تېره ورځ د همدې کورمې په صده سیمه کې یو شمیر سیمه والو په خپلو کلیو کې د نا امنئ خلاف لاریون کړی و او له حکومته یې غوښتي چې د دوی په سیمه کې امن ټینګ کړي.