پاکستاني رسنۍ جیو نیوز د پنجشنبې په ورځ د پاکستان پوځ د عامه اړیکو دفتر په حواله راپور ورکړی، چې پاکستاني پوځ د ډېورنډ پر کرښه ۶ وسله وال وژلي دي.
دغه دفتر زیاتوي، چې له وسله والو څخه په زیاته انداره وسلې او چاودیدونکي مواد هم ترلاسه شوي دي.
پاکستاني چارواکو په کراتو له افغان طالبانو غوښتي چې د پولو امنیت ته دې جدي پاملرنه وکړي او هیله لري چې دا کار ترسره شي.
همدا راز د پاکستان پوځ له طالبانو غوښتي چې خپلې ژمنې پوره کړي او د پاکستان پر وړاندې د ترهګرۍ د کړنو لپاره د ترهګرو له خوا د خپلې خاورې د کارولو مخه ونیسي.
طالبان په افغانستان کې د پاکستان ضد وسلوالو ته پنا ور کول او د دغه هېواد تاوتریخوالي کې د افغانانو د ښکېلتیا په هکله د پاکستان دا ادعاوې تل رد کړې دي.