په کندوز کې سیمه ییزو سرچینو د چاودنې خبر ورکړی او ویلي یې دي، چې دغه پېښه نن ماښام مهال شاوخوا ۷ بجې رامنځته شوې ده.
د چاودنې د ځای په اړه متضاد معلومات خپاره شوي، ځینو سرچینو د چاودنې ځای د امنیه قوماندانۍ دروازه او ځینو نورو سرچینو د کندوز ولایت ودانۍ بللی دی.
د سرچينې د معلوماتو له مخې، له دې چاودنې وروسته طالبانو د امنيې قوماندانۍ او ولایت ته غځېدلې لارې چې يو بل ته نږدې دي، تړلې دي.
تر اوسه کومې ډلې د دې پېښې پړه پر غاړه نه ده اخيستې.