په شمالي وزیرستان کې ځايي سرچېنو افغانستان انټرنشنل پښتو ته ویلي، چې دغه د نجونو ښوونځی یواځینی خصوصي ښوونځی و چې د شیوې په سیمه کې جوړ شوی و.
د دغه ښوونځي ساتونکی وایي، چې وسلهوالو هغه هم له ځانه سره بېولی و او تر وهلو ډبولو وروسته یې بېرته خوشې کړی دی.
د دغه ساتونکي په خبره، د دغه ښوونځي دوه درسي خونې په بشپړه توګه ویجاړې شوې او نورو درسي خونو ته هم زیانونه اوښتي دي.
د خیبر پښتونخوا په ډېرو سیمو کې د تاوتریخوالي د پېښو د زیاتېدو سره په دغو سیمو کې ښوونځي په تېره بیا د نجونو ښوونځي له سختو ګواښونو سره مخامخ شوي دي.