د اسراییل لومړي وزیر بنیامین نتنیاهو ټرمپ ته په یوه پیغام کې ویلي: "زه ډاډه یم چې موږ به د ایران د ترورېزم محور ته ماتې ورکړو."
هغه زیاته کړې: "ښاغلی ولسمشر، زه ډاډه یم چې ستاسو په مشرۍ زموږ غوره ورځې راروانې دي."
د اسراییل د دفاع وزیر یسراییل کاتز هم په خپل اېکس کې د ډونالډ ټرمپ د مبارکۍ پیغام خپور کړ او ټینګار یې وکړ، چې هېواد یې په غزه کې د حماس د ټولو یرغمل شویو د راستنولو او د ایران اسلامی جمهوریت د اټومي وسلو د مخنیوي په هدف له امریکې سره د ملګرتیا د پیاوړتیا په انتظار دی.