په فاریاب کې سیمه ییزو سرچینو ویلي، چې په قیصار ولسوالۍ کې پر یو مسافر وړونکي موټر د وسله والو په برید کې پنځه تنه وژل شوي او شپږ نور ټپیان دي. د سرچينو په وینا، په وژل شويو کې دوه د طالبانو غړي دي او د پېښې په قربانيانو کې يوه ښځه او دوه نور نارينه هم شامل دي.
دا برید د پنجشنبې په مازیګر ( د تلې ۲۶) هغه مهال وشو، چې یو فلانکوچ ډوله موټر د بادغیس – فاریاب پر لاره روان و.
د دې پېښې په اړه تر اوسه سیمه ییزو طالبانو څه نه دي ويلي او نه هم کومې ډلې د دغه بريد مسوولیت پر غاړه اخيستې ده.