افغان کرېکټ بورډ د لوبې د تبصره کوونکي انډریو لیونارډ له قوله راپور ورکړی، چې په درېیمه ورځ هم په ګرېټر نویډا کې شړکنده باران ورېږي او د نن لپاره هم لوبه وځنډېده.
د افغانستان کرېکټ بورډ پر خپله اېکس پاڼه د افغانستان او نیوزیلنډ تر منخ د یواځینۍ ټېسټ لوبې د تبصره کوونکي انډریو لیونارډ څرګندونې خپرې کړې دي.
ښاغلی لیونارډ وايي، له بده مرغه چې نن درېیمه ورځ هم د افغانستان او نیوزیلنډ تر منځ یواځینۍ تاریخي ټېسټ لوبه نه ترسره کېږي.
نوموړی وایي، په ګریټر نوېډا لوبغالي کې د زورور باران د ورېدو له امله د نن لپاره لوبه لغوه شوې ده.
لیونارډ په خپلو خبرو کې وویل، چې د لوبې د پیلېدو په اړه څلورمه ورځ سبا سهار اته بجې به لوبڅاران خپله پرېکړه کوي.
تمه وه، چې د افغانستان او نیوزیلنډ تر منځ یواځینۍ ټېسټ لوبه د افغانستان په کوربهتوب د دوشنبې په ورځ پیل شي؛ خو په ګرېټر نوېډا کې د ورښتونو له امله درې پرله پسې ورځې دغه لوبه ځنډېدلې ده.
تېره ورځ د افغانستان کرېکت بورډ د یوې اعلامیې په خپرولو سره ویلي و، چې هندوستان کې یې د دغه لوبې تر سره کېدو لپاره د بیېګلور، کانپور او ګرېټر نوېډا لوبغالو کې د ترسره کېدو غوښتنه کړې وه؛ خو د هندوستان دوه لوبغالي د کورني کرېکټ له امله بوخت ول او دغه هېواد ورته د ګرېټر نوېډا لوبغالی وټاکه.
د افغانستان او نیوزیلنډ تر منځ د یواځینۍ ټېسټ لوبه د درېیو ورځو لپاره د سر پر سر لغوه کېدو له امله د افغانستان کرېکټ ملي لوبډلې مینهوال سخت خواشیني کړي دي.