متحده ایالتونو د اسراییل د لومړي وزیر بنیامین نتنیاهو او پخواني دفاع وزیر د نیولو په تړاو د جرمونو د نړیوالې محکمې امر رد کړ.
فرانس پرېس وايي، چې دغه اعلان سپینې ماڼۍ کړی.
د جرمونو نړیوالې محکمې نن د پنجشنبې په ورځ د اسراییل د لومړي وزیر بنیامین نتنیاهو، د دغه هیواد د پخواني دفاع وزیر او د حماس د چارواکو د نیولو امر وکړ.
اسراییل او د حماس چارواکي د ۲۰۲۳ کال د اکټوبر میاشتې د بريد او د غزې جګړې له کبله په جنګي جرمونو او بشریت ضد جرمونو تورن شوي دي.
دا محکمه مسوولیت لري، چې «نسل وژنه، جنګي جرمونه، د بشریت ضد جرمونه او د جنسي تېري» مسایل وڅېړي او سرغړوونکو ته سزا وټاکي.
د اسراییل ولسمشر دغه حکم ظالمانه بللی دی.
ټایمز اف اسراییل په یوه رپوټ کې ویلي چې دا حکم نتنیاهو او نور اسراییلي سیاسي مشران په نړیواله کچه تر تعقیب لاندې شکمن کسان ګرځوي او شونې ده چې دوی نور هم منزوي کړي او په غزه او لبنان کې د اوربند لپاره د خبرو هڅې پیچلې کړي.