د ایران د بهرنیو چارو وزیر عباس عراقچي وايي، چې دغه هیواد به د نړۍوالو قوانینو له مخې یو ځل بیا پر اسراییل برید وکړي او دا برید به خامخا ترسره کېږي. هغه وویل: "موږ به په عملیاتو کې هېڅ ډول ځنډ او بېړه ونه کړو، او ۳ عملیات به له ژمنې سره سم ترسره شي."

د ایران د بهرنیو چارو وزیر د لبنان له المیادین شبکې سره په مرکه کې زیاته کړه؛ دا چې په کومو شرایطو، کله او په کومه بڼه به برید وکړي، دا ټول په مناسبو شرایطو پورې اړه لری چې باید د دغه ځواب ویلو لپاره چمتو شی.

هغه خبرداری ورکړ، چې که اسراییل د ایران پر اټومي تاسیساتو برید وکړي، ایران به یې هم ځواب ورکړي.

عراقچي ویلي، چې اسراییل غواړي ایران په سیمه کې جګړې ته اړ کړي.

د ایران د راکټي بریدونو په ځواب کې اسراییل د لړم په څلورمه نېټه پر دغه هېواد برید وکړ. شاوخوا ۱۴۰ اسراییلي جنګي الوتکو د بریدونو په درېیو څپو کې د ایران په درېیو ولایتونو کې ۲۰ موخې په نښه کړې. تر اوسه د هدفونو دقیق نوملړ نه دی اعلان شوی، خو د اسراییل د پوځ ویاند ویلي، چې اوس اسراییل د ایران په اسمان کې له پراخې ازادۍ برخمن دي.