په پاکستان کې د پولیو دوه تازه مثبتې پېښې ثبتې شوې، چې له دې سره په روان کال کې په پاکستان کې د پولیو د مثبتو پېښو شمېر ۵۲ ته لوړ شو.

دغه دوه تازه پېښې د خیبرپښتونخوا په ډېره اسماعیل خان کې ثبتې شوې دي.
دغه دوه تازه پېښې په یو ۱۸ میاشتني ماشوم او یوې درې کلنې ماشومې کې لیدل شوې دي.
د وروستیو شمېرو له مخې، په بلوچستان کې ۲۴، په خیبرپښتونخوا کې ۱۳، په سند کې ۱۳ او په اسلام اباد او پنجاب کې بیا یوه، یوه پېښه ثبت شوې ده.
تر دې وړاندې (د لړم په ۲۹مه) د پولیو وروستۍ پېښه د خیبر پښتونخوا د ټانک ضلعې څخه راپور شوې وه.
روغتیایي چارواکي د دغې د مخنیوي وړ ناروغۍ د خپرېدو د ورکولو لپاره د واکسین کمپاین پر اهمیت ټینګار کوي، چې په پاکستان کې د عامې روغتیا یوه لویه ننګونه ده.
پاکستان یو له هغو دوو هېوادونو څخه دی، چې د پولیو ویروس په کې لا تر اوسه له منځه نه دی تللی.
د پاکستان روغتیایي چارواکي په کورنیو غږ کوي، چې د حکومت له‌خوا په مکرر ډول د پولیو واکسین کمپاینونو کې په فعاله توګه برخه واخلي او د دغې ناروغۍ په مخنیوي کې دې مرسته وکړي.