د افغانستان او سريلانکا ترمنځ د کرېکټ د ټېسټ لوبې دویمه ورځ پای ته ورسېده او سريلانکا ټولې ۴۱۰ منډې جوړې کړې.
افغان لوبډلې په لومړۍ ورځ د ټولو لوبغاړو په سوځېدو ۱۹۸ مندې جوړې کړې وې، مقابل کې يې سرېلانکا ۸۰ منډې وکړې.
د افغانستان او سريلانکا ترمنځ نن شنبه د ټېسټ لوبې په دوهمه ورځ سريلانکا د شپږو لوبغاړو په سوځېدو ۴۱۰ منډې جوړې کړې او د افغان لوبډلې تر ټاکلي هدف یې ۲۱۲ زياتې منډې وکړې.
د نن په لوبه کې افغان لوبغاړو نويد ځدران او قیس احمد د سريلانکا دوه دوه لوبغاړي وسوځول.
افغانستان په لومړۍ ورځ ۱۹۸ منډې وکړې او ټول لوبغاړي یې اوټ شول.
په ځواب کې سریلانکا په لومړۍ ورځ په ۱۴ اورونو کې پرته له دې چې کوم لوبغاړی یې اوټ شي ۸۰ منډې او په دویمه ورځ یې بیا ټولي ۴۱۰ مندې جوړي کړې.
سبا یکشنبه به افغان لوبډله لومړۍ دغه هدف پوره کوي او بيا به سيالي لوبډلې ته نوی هدف ټاکي.
د افغانستان او سریلانکا ترمنځ د کرېکټ ټېسټ لوبه د سریلانکا په کوربه توب د دغه هېواد په کولمبو ښار کې شروع دي.