د ۱۹ کلنو د ۲۰۲۴ کال نړۍوال جام سیالیو په دویمه ورځ نن افغانستان خپله لومړۍ لوبه د پاکستان پر وړاندې پیلوي.
دغه لوبه نن د افغانستان پر وخت ماسپښین ۱۲:۳۰ بجې پیلېږي.
د افغانستان تر څنګ نن سکاټلنډ د انګلنډ پر وړاندې او هند د بنګله دېش پر وړاندې لوبېږي.
د ۱۹ کلنو د ۲۰۲۴ کال نړۍوال جام سیالۍ تېره ورځ په سویلي افریقا کې پیل شوې، چې د ۲۳ ورځو لپاره به دوام وکړي.
د دغو سیالیو په لومړۍ ورځ پرون سویلي افریقا په ۳۱ منډو ویسټ انډیز ته ماتې ورکړه او اېرلنډ بیا په اوو وېکټو د امریکا لوبډلې ته ماتې ورکړه.