څېړونکي وايي، چې انسانان له پیړیو راهیسي مستې خوري او هره ورځ د مستو خوړل د انسان بدن ته ګڼې روغتيايي ګټې لري.
څېړنې ښيي، چې په اوړي کې د مستو خوړل په بدن کې د اوبو د کمښت خطر کموي.
هره ورځ يوه پياله مستې خوړل د بدن ۵۰ سلنه کلسيم پوره کوي او هډوکو ته هم ګټه رسوي.
د دې تر څنګ په مستو کې ډېر داسې غذايي مواد هم شته، چې د روغتیا لپاره ګټور دي.
په اوړي کې د مستو د خوړلو ځینې ګټې په لاندې ډول دي:
د هاضمي سیسټم ګټې:
مستې ګټورې باکترياوي دي او د پروپايټيکونو لویه سرچينه ده، چې د هاضمې روغتيا ته وده ورکوي.
پروپايټکونه په معدې کې د باکتريا توازن ښه کوي او د هاضمې د مختلفو ستونزو لکه؛ د معدې، ګاز او اسهال خطر هم کموي.
په بدن کې د اوبو کمبود:
مستې هغه خواړه دي، چې د ډي هایډریشن یا د بدن د اوبو د کمښت خطر کموي.
ډي هايډريشن یو حالت دی، چې د انسان د بدن څخه د ډېرې مايع د ضايع کېدو له امله رامنځته کیږي.
په اوړي کې د مستو کارول په بدن کې د اوبو د مناسب مقدار په ساتلو کې مرسته کوي.
په اوړي کې د مستو خوړولو له امله د یخنۍ د زياتېدو احساس:
د مستو خوړل بدن ته د طبیعي یخنۍ احساس ورکوي او له همدې امله يې خوړل د ګرمۍ په وړاندې د ساتنې لپاره مناسب دی.
يخي مستې خوړل د ګرمۍ په ماتولو کې مرسته کوي.
د پروټين قوي کول:
پروټین یو غذایی توکی دی، چې د عضلاتو په ساتلو کې مرسته کوي، ستاسو اوږد احساس ساتي او عمومي روغتیا ته وده ورکوي.
مستې د کیفیت لرونکي پروټین یوه ښه سرچینه ده، چې پورته يې د ځينو ګټو يادونه وشول.
د روغتیا لپاره ګټور غذايي مواد ترلاسه کول:
مستې تقریبا ټول هغه مواد لري، چې زموږ بدن ورته اړتیا لري.
کلسیم، هډوکو او غاښونو ته ګټه رسوي.
همدا ډول مستې د B ویټامینونو په ځانګړې توګه ویټامین B12 او ویټامین B2 زيات لري او دا دوه ویټامینونه د زړه د ناروغیو په وړاندې ساتنه کوي.
یو پیاله مستې د ورځنۍ اړتیا ۲۸سلنه فاسفورس، ۱۰سلنه مګنیزیم او ۱۲سلنه پوتاشیم پوره کوي.
دا درې واړه په بدن کې دويني فشار، ميټابوليزم او د هډوکو روغتيا لپاره اړين دي.
مستې ویټامین ډي نه لري؛ خو فورټيفايډ مستې ویټامین ډي لري، چې د بدن دفاعي سیستم پیاوړی کوي.
د بدن د وزن د کنټرول ساتل:
یو شمیر څېړنیزو راپورونو د مستو خوړل د بدن د غوړو او وزن په کمولو کې مهمي یادې کړې دي.
د مستو په خوړولو سره ډېر وخت د بشپړتيا احساس کيږي او د بې وخته خوړولو مخه نیسي، چې همدا چاره د بدن د وزن په کمولو کې مرسته کوي.
د دې ترڅنګ د مستو خوړل میتابولیزم ته وده ورکوي، چې د بدن د وزن د کنټرول لپاره اړین دي.
د معافیت سیسټم لپاره د مستو ګټې:
د مستو خوړل د معافیت سیسټم پیاوړی کوي او د موسمي ناروغیو خطر کموي.
په مستو کې شته باکتریاوې په بدن کې پړسوب کموي، چې له ډېرو ناروغیو سره تړاو لري.
د څیړنېزو راپورونو له مخې؛ د پروبایوټیک کارول ممکن د موسمي زوکام د مودې او شدت په کمولو کې هم مرسته وکړي.
په مستو کې شته مګنیزیم او زنک هم د معافیت سیسټم روغتیا ته وده ورکوي.
د خولې بد بوی له منځه وړي:
د تل لپاره د بد بوی څخه د خلاصون یوه غوره لاره دا ده، چې مستې د خپل رژیم برخه وګرځوئ.
د يوې څېړنې د معلوماتو له مخې؛ هغه خلک چې د ۶ اونيو لپاره مستې وخوري د خولې د بوی مرکبات يې ټيټې کچې ته رسيږي او د خولې باکترياوي يې هم کميږي.
یادونه: دا لیکنه په طبي مجلو کې د خپرو شویو جزییاتو پر بنسټ ده او لوستونکي کولای شي، چې په دې اړه له خپل معالج ډاکټر سره مشوره وکړي.