تیم ملی فوتبال افغانستان که با هدایت عثمان توشیف، سرمربی جدید و اوزبیکستانی‌اش در دیدار اول خود در مسابقات سه‌جانبه تاجیکستان با دو گل مغلوب نیپال شد، فردا سه‌شنبه ٢٩ عقرب ١٤٠٣ به مصاف میزبان می‌رود. تاجیکستان در بازی اول خود با چهار گل نیپال را شکست داده و سه امتیازی است.

نشست خبری دیدار فردا نیز برگزار شد. این مسابقه قرار است در ورزشگاه مرکزی شهر دوشنبه تاجیکستان برگزار شود. بازی تیم‌های افغانستان و تاجیکستان ساعت پنج‌ونیم عصر به وقت کابل برگزار می‌شود.

پس از فسخ یک‌طرفه قرارداد اشلی وست‌وود مربی پیشین تیم ملی افغانستان، این دومین بازی است که تیم افغانستان با هدایت عثمان توشف اوزبیکستانی به میدان می‌رود.