تیم فوتبال هفده سال افغانستان ساعت ٢١:٠٠ فردا شب چهارشنبه ٣١ اسد ١٤٠٣ در مسابقات قهرمانی ١٧ سال آسیای مرکزی (کافا) به مصاف تاجیکستان می‌رود. هر دو تیم در دیدار اول خود مقابل قرغیزستان پیروز شده و برای صعود به دیدار نهایی در شهر دوشنبه تاجیکستان مقابل یکدیگر صف‌آرایی می‌کنند.

افغانستان برای صعود به دیدار نهایی نیاز به پیروزی دارد و تیم تاجیکستان با یک مساوی هم به فاینل راه می‌یابد. این بازی از گروه نخست مسابقات برگزار می‌شود که تیم‌های افغانستان، تاجیکستان و قرغیزستان در آن حضور دارند.

در جدول رده‌بندی گروه اول تیم تاجیکستان با سه امتیاز و تفاضل گل بهتر صدرنشین و افغانستان دوم است.

جدول ‌رده‌بندی مسابقات:

در گروه دوم نیز ایران اول است و جنگ راه‌یابی به فاینل بین ایران و اوزبیکستان است.

در این مسابقات تیم‌های افغانستان، ایران، تاجیکستان، اوزبیکستان، ترکمنستان و قرغیزستان حضور دارند.
بر اساس برنامه‌ریزی مسابقات، تیم‌های اول دو گروه دیدار نهایی، تیم‌های دوم هر دو گروه مسابقه رده‌بندی و تیم‌های سوم هر گروه، برای کسب مقام پنجم رقابت می‌کنند.