د پاکستان د بهرنیو چارو وزارت ویانده زهرا بلوچ وايي، تمه کېږي، د افغانستان په چارو کې د روسیې د ولسمشر ځانګړی استازی ضمیر کابلوف نن په اسلام اباد کې د پاکستان د بهرنیو چارو وزارت مرستیالې امنه بلوچ سره د افغانستان په اړه خبرې وکړي.
د پاکستان د بهرنیو چارو وزارت ویاندې نن پنچشنبه د یوې خبري ناستې پر مهال وویل، چې د افغانستان په چارو کې د روسیې د ولسمشر ځانکړی استازی ضمیر کابلوف به پاکستان ته د خپل سفر پر مهال نن په اسلام باد کې له پاکستاني چارواکو سره وګوري.
اغلې بلوچ وویل، چې کابلوف به نن په اسلام اباد کې د پاکستان د بهرنیو چارو وزارت مرستیالې امنه بلوچ او د دغه وزارت د وزیر د مرستیال او د افغانستان او سویلي اسیا په چارو کې د پاکستان د استازي سره د افغانستان د وضعیت او سیمهییزې سولې او ثبات په اړه د ګاونډیو هېوادونو پر رول خبرې وکړي.
ضمیر کابلوف په داسې مهال د افغانستان په اړه د خبرو لپاره پاکستان ته سفر کوي، چې پاکستان په وار، وار ادعا کړې، چې طالبانو په افغانستان کې پاکستاني طالبانو ته پټنځایونه ورکړي.
خو طالبانو تل د پاکستان دغه ډول ادعاوز رد کړې دي.