د ایران له ملاتړه برخمن د یمن حوثي جنګلیاليو ګواښ کړی چې پر اسراییلي بیړیو به خپلو بریدونو ته دوام ورکړي.
دغې ډلې ټینګار کړی چې د اسراییلي بېړیو د ملکیت بدلون په رسمیت نه پېژني او دا مسله به د دغو بیړیو په نښه کولو کې د حوثي جنګیالیو په پالیسۍ کې توپیر رامنځته نه کړي.
د حماس او اسراییلو ترمنځ د جګړې له پیل وروسته، حوثي جنګیالیو په تیرو میاشتو کې د سور سمندرګي، د باب المندب تنګي او د عدن په خلیج کې پر نړیوالو بیړیو بریدونه پیل کړل، چې په سیمه کې یې سمندري امنیت له خطر سره مخامخ کړ. د دغو بریدونو لمن د هند تر سمندر پورې هم پراخه شوې ده.