د پاکستان د پنجاب صوبايي حکومت د ککړې هوا د مخنیوي لپاره په ځینو ضلعو کې د جمعې او شنبې په ورځ د تعلیمي ادارو د تړلو پرېکړه کړې ده.
پاکستاني رسنیو د راپورونو له مخکې، د پنجشنبې په ورځ -د لیندۍ په دویمه- د پنجاب اعلی وزیر په ګډون د کابینې د ککړې هوا کمېټې غونډه د ښوونیزو ادارو پر تړلو سربېره فیصله وشوه چې د شنبې په ورځ به بازارونه، جیمونه، سینماګانې، تیاترونه او کارخانې په مکمله توګه بندې وي.
یوازې ریستورانونه کولې شي ارډرونه واخلي او خواړه کور ته ورسوي.
سرچینې وایي چې د پنجاب حکومت د جمعې په ورځ د ټولو ښوونځيو، پوهنتنونو او کالجونو د بندولو پریکړه کړي. په داسې حال کې چې په پنجاب کې د ککړې هوا له امله د ګرزبندیز په پلان هم کار روان دی.
د پنجاب اعلی وزیر محسن نقوي ویلي چې د لوګي اثرات په ۶ ضلعو کې دي. په لاهور، ګوجرانواله، فیصل اباد، ملتان، ساهیوال او سرګوده کې به د جمعې او شنبې په ورځ ۳ بجې بازارونه پرانیستل شي ځکه چې د یکشنبې په ورځ به هر قسمه کار و بار بند وي. یوازې مال روډ به د سایکل چلولو لپاره خلاص وي.
هغه زیاته کړه چې د لوګی د کمولو لپاره د مصنوعي باران لپاره هم چمتووالی نیول شوی خو له لوګي څخه د ژغورلو لپاره د ماسک استعمال اړین دی.
محسن نقوي وایي، چې دا پریکړه شوې چې دولتي کارکوونکو او خلکو ته به برېښنایي موټرسایکلونه په قسطونو ورکړي.
لاهور د ککړو ښاروونو په لېست کې لومړۍ ځای لري چې د هوا د کیفیت درجه یې ۵۰۴ ثبت شوې.
همداراز، کراچۍ د ککړو ښارونو په لېست کې شپږم ځای لري چې د هوا د کیفیت درجه یې ۱۷۷ ثبت شوې.